Riverview Primêr

Riverview Primêr

Wes – Kaap Onderwysdepartement

Swartstraat, Riverview ( Posbus 580 ), Worcester, 6849

Tel. no. 023 – 34 71817 Faks no. 023 – 34 21942

E – pos : [email protected]

Prinsipaal – Mnr. Jonathan Daniel Africa

TOELATINGSBELEID

1. DOEL

Ons skool se Toelatingsbeleid het dit ten doel om die prinsipaal in sy hoedanigheid as skoolbestuurder te ondersteun om ‘n volledige rekord daar te stel in die handhawing van genoemde beleid soos beplaal deur ons beheerliggaam.

Die beleid is daarop ingestel om gesonde norme en standaarde te handhaaf. Die behoud van ons missie- en visiestelling soos verwoord in die skool se grondwet word ook beklemtoon.

2. AGTERGROND

Ons beleid is opgestel om uitvoering te gee en veral te voldoen aan die volgende dokumente:

2.1 Staatskoerant 19377 gedateer 19 Oktober 1998 – aangehegte Toelatingsbeleid vir Gewone Openbare Skole.

2.2 Omsendbrief 0170/00 – Toelating van leerders tot gewone openbare skole.

2.3 Omsendbrief 0142/2000 – Toelating van oorouderdom leerders tot skole.

2.4 Omsendbrief 0129/2000 – Administrasie van die toelating van leerders tot skole.

2.5 Omsendbrief 0039/2001 – Adminstrasie van die toelating van leerders tot skole in 2002.

3. BELEID

3.1 Ouers word aangemoedig om vroegtydig hul kinders te kom inskryf. (soos bepaal deur die WKOD se nuwe aanlynstelsel verkieslik tussen Januarie en Maart vir toelating die jaar darn bv. Januarie tot Maart 2019 vir toelating in 2020 ). Onderrig kan dan elke jaar dadelik begin.

3.2 Geen leerder wat aan die ouderdomsvereiste voldoen (soos vervat in omsendbrief 170/2000) sal aan enige vorm van toetsing onderwerp word nie, alvorens hy/sy tot die skool toegelaat word nie.

3.3 Leerders wat toegelaat word moet binne die wetlike ouderdomsperk wees.

3.4 Leerders wat buite die “twee jaar bo die ouderdomnorm”-perk val, (omsendbrief 142/2000) sal slegs toegelaat word met die skriftelike goedkeuring van die kringbestuurder.

3.5 By die toelating van leerders sal daar nie gediskrimineer word op grond van ras, taal, kultuur, godsdiens of finansiële posisie van ouer of leerder nie.

3.6 Leerders sal toegelaat word om aan die skool se buitemuursse bedrywighede deel te neem. Indien ‘n leerder ongeskik is om aan sport of enige ander buitemuurse aktiwiteite deel te neem, moet die ouer die skool sodanig inlig en van nodige dokumentasie voorsien wat dit staaf.

3.7 Kinders met spesifieke behoeftes sal eerstens verwys word na sodanige skole of indien dit moontlik is, sal daar dan probeer word van sodanige leerder te akkommodeer.

4. EERSTE TOELATING (TOT GRAAD 1)

4.1 Aansoekvorm (W.K.O.D. 006) moet volooi word.

4.2 Die leerder se oorspronklike geboortesertifikaat of identiteitsdokument moet voorgelê word. Die skool sal ‘n afskrif maak en die oorspronklike document weer aan die ouer/voor voorsien.

4.3 ‘n Skriftelike bewys om te toon dat leerders ingeënt is teen siektes soos polio, mases, tuberkulose, witseerkeel tetanus, hepititus B, sal gevra word. Indien ouers nie so ‘n bewys kan lewer nie, sal hulle geadviseer word om dit te doen as deel van die gratis primêre gesondheidsorgprogram.

4.4 Ouers of voogde sal gevra word om self leerders te kom inskryf.

5. OORPLASINGS

5.1 Wanneer ‘n oorgeplaade leerder van ‘n ander skool ingeneem word, sal die volgende dokumentasie gevra word:

• aansoekvorm om toelating (W.K.O.D. 006)

• geboortesertifikaat of identiteitsdokument

• oorplasingssertifikaat

• kummulatiewe verslagkaarte

• ‘n rapport/verslag van die hoogste graad waartoe die leerder by sy vorige skool gevorder het. Die skool se stempel moet op die rapport/verskag verskyn.

5.2 Ouers/voogde van nuwe leerders of leerders wat oorgeplaas is, sal elk ‘n gedragskode van die skool ontvang nadat leerders toegelaat is. En dit moet onderteken word.

6. AANMOEDIGING

Elkeen van ons ouers sal aangemoedig word om ‘n bydrae te lewer tot die vooruitgang van die skool.

Hierdie beleidstuk is hersien en aanvaar op die 22ste DAG VAN JANUARIE 2020 nadat dit op ‘n algemene vergadering van die SBL van die skool bespreek is.

a) Voorsitter: Charl Jacobs ……………………………………..

b) Prinsipaal Jonathan Africa …………………………………….